Дэлхийн 46 улс руу шууд нислэг үйлдэх эрх зүйн орчин бүрджээ

Засгийн газраас агаарын харилцааг өргөжүүлэх, нислэгийн чиглэл, давтамжийг богино хугацаанд эрчимтэй нэмэгдүүлэх бодлого баримтлан ажиллаж байна.

Засгийн газраас агаарын харилцааг өргөжүүлэх, нислэгийн чиглэл, давтамжийг богино хугацаанд эрчимтэй нэмэгдүүлэх бодлого баримтлан ажиллаж байна. Энэ хүрээнд Монгол Улсын Засгийн газар 2021-2024 онд:

•             Катар Улс,

•             Америкийн Нэгдсэн Улс,

•             Бүгд Найрамдах Грек Улс,

•             Бүгд Найрамдах Ардчилсан Лаос Ард Улс,

•             Их Британи, Умард Ирландын Нэгдсэн Хаант Улс,

•             Бүгд Найрамдах Латви Улс,

•             Унгар Улс,

•             Бүгд Найрамдах Узбекистан Улс,

•             Туркменистан улстай Агаарын харилцааны тухай хэлэлцээр амжилттай байгуулж, өнөөдрийн байдлаар нийт 46 улсын Засгийн газартай Агаарын харилцааны тухай хэлэлцээртэй, шууд нислэг үйлдэх эрх зүйн зохицуулалт бүрдүүлээд байна.

Мөн өмнө байгуулсан Агаарын харилцааны тухай хэлэлцээрт нэмэлт өөрчлөлт оруулах яриа хэлэлцээг хийж, нислэгийн шинэ цэг, одоо байгаа нислэгийн багтаамж, давтамжийг нэмэгдүүлэх арга хэмжээг үе шаттайгаар авч хэрэгжүүлж буй юм. Үүний үр дүнд 2024 онд Монгол Улс түүхэндээ анх удаа агаарын тээврээр 2.18 сая зорчигч тээвэрлэж, 10.4 мянган тонн ачаа тээвэрлэсэн байна.