2024-05-21 11:01
idea.mn
Home Улс төр У.Хүрэлсүх Саудын Арабын эрхэм дээд ханхүүг хүлээн авч уулзав
Улс төр

У.Хүрэлсүх Саудын Арабын эрхэм дээд ханхүүг хүлээн авч уулзав

У.Хүрэлсүх Саудын Арабын эрхэм дээд ханхүүг хүлээн авч уулзав

Монгол Улсын Ерөнхийлөгч Ухнаагийн Хүрэлсүх Саудын Арабын хаант улсын Засгийн газрын гишүүн, Төрийн сайд эрхэм дээд ханхүү Турки бин Мухаммад бин Фахд Аль-Саудиг хүлээн авч уулзав.

Ерөнхийлөгч У.Хүрэлсүх Саудын Арабын хаант улсын хаан, хоёр ариун сүмийн хамгаалагч эрхэм дээд Салман бин Абдулазиз Аль-Саудад мэндчилгээ дэвшүүлж байгааг уламжлахыг хүсчээ.

Монгол Улс булангийн орнууд, тэр дундаа бүс нутагтаа эдийн засгийн хөгжил, чадавхаараа тэргүүлдэг Саудын Арабын хаант улстай харилцаа, хамтын ажиллагааг өргөжүүлэн хөгжүүлэхийн төлөө байгааг хэлэв. Мөн худалдаа, эдийн засаг, хөрөнгө оруулалт, байгаль орчин, уур амьсгалын өөрчлөлттэй тэмцэх, хөдөө аж ахуй, соёл, боловсрол, аялал жуулчлалын зэрэг салбарт хамтрах өргөн боломж байгааг тэмдэглэлээ. НҮБ-ын Цөлжилттэй тэмцэх конвенцын талуудын 16 болон 17 дугаар бага хурлыг Саудын Арабын хаант улс,  Монгол Улс зохион байгуулах чиглэлээр туршлага солилцож, хамтран ажиллах сонирхолтой байгаагаа мөн илэрхийлэв.

Ханхүү Турки бин Мухаммад бин Фахд Аль-Сауд Саудын Арабын хаант улсын хаан, хоёр ариун сүмийн хамгаалагч эрхэм дээд Салман бин Абдулазиз Аль-Саудын халуун дотно мэндчилгээг уламжилжээ. Тэрбээр байгаль орчин болон бусад боломжит бүх салбарт харилцан ашигтай хамтрах эрмэлзэл дүүрэн байгаагаа тэмдэглэж, харилцаа, хамтын ажиллагааг шинэ шатанд гаргахын төлөө идэвхтэй ажиллахаа илэрхийлэв.

Leave a comment

Leave a Reply

Your email address will not be published. Required fields are marked *

Related Articles

АН-ын тэргүүн дэд дарга С.Баярцогт Пап Францист бараалхав

Монгол Улсын Ерөнхийлөгч У.Хүрэлсүхийн урилгаар Гэгээн Ширээт Улсын төрийн тэргүүн Пап Францис...