“ЭРДЭНЭС АШИД” ХХК-ИЙН ГҮЙЦЭТГЭХ ЗАХИРАЛ СОНГОН ШАЛГАРУУЛАХ ЗАР

Компанийн тухай хуулийн 76 дугаар зүйлийн 76.1.8, 81 дүгээр зүйлийн 81.5.1, Монгол Улсын Засгийн газрын 2021 оны 345 дугаар тогтоолын 1.2, “Эрдэнэс Монгол” ХХК-ийн Төлөөлөн удирдах зөвлөлийн 2023 оны 97 дугаар тогтоолоор батлагдсан “Гүйцэтгэх удирдлагын үйл ажиллагааны журам”-ыг тус тус үндэслэн “Эрдэнэс Ашид” ХХК-ийн Гүйцэтгэх захирлын сонгон шалгаруулалтыг зарлаж байна. 

НЭГ. КОМПАНИЙН МЭДЭЭЛЭЛ 

“Эрдэнэс Ашид” ХХК нь тээвэр логистикийн стратегийг хэрэгжүүлэх, дэд бүтцийг хөгжүүлэх, дотоодын болон экспортын логистикийн төвүүдийг байгуулах, төмөр замын тээврийн менежментийг хийх, технологид суурилсан, дижитал системийг нэвтрүүлсэн үр ашигтай, хурдацтай, найдвартай үйл ажиллагааг бий болгох зорилготой бөгөөд, уурхайн терминалаас худалдан авагч хүртэлх тээвэрлэлтийг зохион байгуулах, тээврийн бусад туслах үйл ажиллагааг эрхэлж, менежментээр хангаж ажиллахаар байгуулагдсан. 

ХОЁР. НЭР ДЭВШИГЧИД ТАВИГДАХ НИЙТЛЭГ ШААРДЛАГА 

1. Гүйцэтгэх захирлын ажил, үүргийг гүйцэтгэх ур чадвар, мэдлэг боловсрол, ажлын туршлагатай байх; 
2. Өөрөө болон нэгдмэл сонирхолтой этгээд нь компанитай сүүлийн 3 жилийн хугацаанд аливаа бизнесийн харилцаанд орж байгаагүй, ашиг сонирхлын зөрчилгүй байх; 
3. Нэгдмэл сонирхолтой этгээд нь сүүлийн 3 жилийн хугацаанд тухайн компанид, эсхүл түүний хараат болон охин компанид эрх бүхий албан тушаал эрхэлж байгаагүй байх; 
4. Арилжааны банканд хугацаа хэтэрсэн аливаа өргүй байх; 
5. Шүүхийн шийдвэрээр иргэн, хуулийн этгээдэд өр төлбөргүй байх; 
6. Тодорхой албан тушаал эрхлэх, эсхүл үйл ажиллагаа явуулах эрхийг нь шүүхийн шийдвэрээр хасаагүй, аливаа шүүхийн шийдвэрээр ял шийтгэлгүй байх. 

ГУРАВ. НЭР ДЭВШИГЧИД ТАВИГДАХ ТУСГАЙ ШААРДЛАГА  

1. Бизнесийн удирдлага, олон улсын худалдаа-эдийн засаг, тээврийн менежментийн мэргэжлээр дээд боловсрол эзэмшсэн, магистр болон түүнээс дээш зэрэгтэй байх; (Гадаад улсын их, дээд сургуульд зэрэг хамгаалсан бол давуу тал болно); 
2. Нийт 10-аас доошгүй жилийн ажлын туршлагатай, үүнээс 5-аас доошгүй жил удирдах албан тушаалд ажилласан туршлагатай байх; 
3. Компанийн менежментийг хэрэгжүүлэх, удирдан зохион байгуулах, нэгдлийн болон төр, бизнесийн салбарын уялдааг ханган ажиллах мэдлэг туршлагатай байх; 
4. Уул уурхайн салбарын бодлого, үйлдвэрлэл, дэд бүтцийн төсөл хөтөлбөр, бүтээн байгуулалтад оролцож байсан хангалттай мэдлэг, туршлагатай байх; 
5. Томоохон дэд бүтцийн төсөл хөтөлбөрүүдийн санхүүжилт, хөрөнгө оруулалт татах асуудлаар хэлэлцээр хийж, амжилттай хэрэгжүүлж байсан туршлагатай байх; 
6. Англи, Хятад хэлний ярианы болон бичгийн өндөр мэдлэгтэй байх;  
7. Удирдан зохион байгуулах, бусдыг манлайлах чадвартай, багаар ажиллах, хамтарч ажиллах, бүтээлч сэтгэлгээтэй, өндөр ёс зүйтэй, ажлын ачаалал даах чадвартай байх; 
8. Нийгэм, эдийн засаг, гадаад зах зээл, өрсөлдөөн, салбарын эрсдэлийн удирдлагын талаар мэдлэгтэй, салбарын эрсдэлийг тодорхойлох чадвартай;  
9. Улс төрийн нөлөөлөл, ашиг сонирхлын зөрчлөөс урьдчилан сэргийлэх, ангид байх. 

ДӨРӨВ. БҮРДҮҮЛЭХ МАТЕРИАЛ 

1. Сонгон шалгаруулалтад оролцох хүсэлт (Сонгон шалгаруулалтад оролцох хүсэлтээ тодорхой бичиж, товч намтар, өөрийн мэдлэг, ур чадвар, туршлагын талаар илэрхийлэх); 
2. Төрийн албан хаагчийн анкет (2022 он, маягт №1); 
3. Ажил байдлын тодорхойлолт (ажил эрхэлж байсан байгууллагаасаа тодорхойлолт авах, иргэн өөрийн хийж гүйцэтгэсэн ажлын талаарх мэдээлэл); 
4. Нийгмийн даатгалын шимтгэл төлөлтийн лавлагаа (e-mongolia); 
5. Боловсролын диплом, мэргэжлийн үнэмлэх, сургалт семинарт хамрагдсан гэрчилгээ, сертификатын хуулбар (гадаадад их, дээд сургууль төгссөн бол баталгаат орчуулгын хамт); 
6. Иргэний үнэмлэхийн хуулбар; 
7. Ашиг сонирхлын зөрчилгүй талаар нотлох баримт болон нийтлэг шаардлагыг хангаж байгаагаа илэрхийлсэн баталгааны хуудас; 
8. Зээл, батлан даалт, баталгааны гэрээгээр хүлээсэн хугацаа хэтэрсэн аливаа өргүй тухай тодорхойлолт; 
9. Эрүүгийн хариуцлага хүлээж байсан эсэх тухай лавлагаа /e-mongolia/; 
10. Нэр дэвшигчид тавигдах нийтлэг болон тусгай шаардлагыг хангасан тухайгаа тодорхойлох лавлагаа болон бусад нэмэлт материалууд. 

ТАВ.СОНГОН ШАЛГАРУУЛАЛТЫН ҮЕ ШАТ 

1. Сонгон шалгаруулалтад оролцох хүсэлт ирүүлсэн иргэний материалын бүрдэл, тухайн албан тушаалд тавигдах нийтлэг болон тусгай шаардлагад нийцэж байгаа эсэхийг үнэлж, хамгийн өндөр үнэлгээ авсан 5 хүртэлх оролцогчийг ярилцлагын шалгалтад оруулна; 
2. Ярилцлагын шалгалтын дүнгээр хамгийн өндөр үнэлгээ авсан 3 оролцогчийн материалыг “Эрдэнэс Монгол” ХХК-ийн Гүйцэтгэх захиралд танилцуулна. 
3. Төлөөлөн удирдах зөвлөл хамгийн өндөр үнэлгээ авсан 3 оролцогчоос Гүйцэтгэх удирдлагыг сонгож, гэрээ байгуулна. 

ЗУРГАА. МАТЕРИАЛ ХҮЛЭЭЖ АВАХ ГАЗАР, ХУГАЦАА 

• Сонгон шалгаруулалтад оролцох иргэний материалыг 2025 оны 03 дугаар сарын 28-ны өдрийн өглөөний 09.00 цаг хүртэл цахим хаягаар хүлээн авна.  
• Хаяг: Улаанбаатар хот, Чингэлтэй дүүрэг, 1-р хороо, Бага тойруу-1, “Эрдэнэс Монгол” ХХК-ийн байр (хуучнаар Элит төв)  
• Холбоо барих утас: 75553399
• Цахим хаяг: hr@erdenesmongol.mn 

ДОЛОО. АНХААРАХ ЗҮЙЛС 

1. Бүрдүүлэх материалыг цахимаар ирүүлэхдээ нэг pdf файл болгох, нэг хаягаас зөвхөн нэг материал хүлээн авна.   
2. Хугацаа хоцорсон материалыг хүлээн авахаас татгалзана. 
3. Материалын бүрдэл дутуу тохиолдолд сонгон шалгаруулалтаас хасна. 
4. Сонгон шалгаруулалтын шаардлага хангасан иргэнтэй холбоо барина.  
5. Материал хүлээн авсантай холбоотой компани бусдын өмнө ямар нэг үүрэг хүлээхгүй. 

“ЭРДЭНЭС МОНГОЛ” ХХК