Ерөнхийлөгч сайд, дарга нарт утааг бууруулах чиглэл өглөө

Монгол Улсын Ерөнхийлөгч У.Хүрэлсүх өнөөдөр /2024.12.16/ УИХ, Засгийн газрын гишүүд болон Тавантолгой түлш компанийн удирдлагуудыг өрөөндөө дуудаж, агаарын бохирдлыг бууруулах ажлын талаар мэдээлэл сонсож, утааг бууруулах үүрэг чиглэл өгчээ.

Ерөнхийлөгч, 2019 онд шахмал түлш үйлдвэрлэн хэрэглээнд нэвтрүүлж эхлэхэд утаа тодорхой хэмжээгээр багассан. Гэтэл өнөөдөр нийслэлийн гэр хороололд 100 хувь шахмал түлш хэрэглэж байхад утаа яагаад улам ихсэв? гэдгийг ажил хариуцсан дарга, сайд нараас асууж, түлшний чанар, орц найрлагад анхаарал хандуулж ажиллах үүрэг өгсөн байна.