“Take Off” хамтлаг түүхэн 20 жилийн ойгоо тэмдэглэн өнгөрүүлж байна

“Take Off” хамтлагийн 20 жилийн ой 2024 онд тохиож байна. Тус хамтлагийн уран бүтээлчид ойгоо тохиолдуулан фенүүддээ зориулан 11-р сарын 23-нд ганцхан удаа Crocus Event Hall-д “Мартахгүй” тоглолтоо зохион байгуулах гэж  байна.

Энэ удаагийн тоглолтын онцлог нь хамтлагийн 5 гишүүн Э.Бат-Эрдэнэ, Д.Баясгалан, Б.Нарангэрэл, Э.Сүхжаргал, Б.Батзолбоо бүрэн бүрэлдэхүүнээрээ тоглолтод оролцох юм.

Учир нь хамтлагийн гоцлол дуучин Э.Бат-Эрдэнэ Австри улсад сургуульд суралцаад  эх орондоо ирсэн бөгөөд 20 жилийн ойн тоглолтдоо оролцох болсныг дуулгахад таатай байна.

Дашрамд дурдахад Монголын boyband хамтлагууд нэгдэж  “Take Off” хамтлагийн 20 жилийн ойн тоглолтод зориулан “Уучлаач хайрт минь”, “Гүнж”  нэртэй хоёр дууг шинэчлэн дуулж, тун удахгүй сонсогчдын хүртээл болгоход бэлэн болжээ.