ХЭҮК-оос эрх, үүрэг, хариуцлагыг хүүхдэд бага наснаас олгох УРИАЛГА ГАРГАЛАА

ХЭҮК-оос Хүний эрхийн түгээмэл Тунхаглал батлагдсаны 75 жилийн ойг тохиолдуулан 2023-2024 оны хичээлийн жилийн эхний өдөр Тунхаглалын агуулгыг тайлбарлан таниулсан хичээл орохыг бүх шатны сургалтын байгууллагуудад уриалсан.

Үндэсний хэмжээнд өрнүүлсэн тус уриалгад Монгол Улс дахь 300 орчим, их, дээд болон Ерөнхий боловсролын сургууль, Мэргэжлийн боловсролын сургалтын байгууллага хамрагдаж, 2023 оны 09 дүгээр сарын 01-ны өдөр хүний эрх, үүрэг, хариуцлагыг талаарх хичээл орсон юм.

ХЭҮК нь эрх, үүрэг, хариуцлагыг хүүхдэд бага наснаас олгох зорилтын хүрээнд дээрх уриалгыг жил бүр үндэсний хэмжээнд уламжлал болгон зохион байгуулахаар төлөвлөсөн.

Энэ хүрээнд 2024-2025 оны хичээлийн жилийн эхний өдөр Тунхаглалын агуулгыг тайлбарлан таниулсан хичээл орохыг бүх шатны боловсролын сургалтын байгууллагуудад уриалж байна.

Хүүхэд, залуусын хүний эрхийн боловсролыг нэмэгдүүлэх, хүний эрхийг хөхүүлэн дэмжих, соён гэгээрүүлэх үйлсэд нэгдэж, үндэсний хэмжээнд дэвшүүлж буй уг уриалгыг дэмжиж ажиллах бүх шатны боловсролын сургалтын байгууллагуудад Комиссын зүгээс талархал илэрхийлье.


“НЭР ТӨР, ЭРХ ЧӨЛӨӨ, ШУДАРГА ЁСЫГ ХҮН БҮРД”
ХҮНИЙ ЭРХИЙН ҮНДЭСНИЙ КОМИСС